阿占：鳳凰 勝利開入球騷

為常規賽冠軍喪攻
澳職常規賽殺入直路，爭標激烈程度前所未見。今日威靈頓鳳凰主場迎戰墨爾本勝利，雙方一分都不能少，肯定主動搶攻做「大」騷！鳳凰上場意外輸波，今仗有7名國腳歸隊，可望踢番最高水準，作客嘅勝利近期亦大踢瘋狂喪攻戰術，1.6倍入球大勁穩陣。

（有線64及203周日下午3:00直播）

鳳凰上月初連贏4場，不過上仗殘陣就吞FC悉尼3蛋，查實呢場波佢哋有7個主力走咗去踢太公波，慘敗情有可原。今戰7名國腳全部歸隊，單係尼敦般斯同麥堅治兩件回歸已經係信心保證，佢哋兩個今季聯賽加埋入咗18球，鳳凰喺上仗輸波前，曾經連續5仗至少入2球或以上，今場夫添出擊，鋒力更靠得住。

墨爾本勝利今季對住4支爭標球隊，11場比賽得2勝7和2負，但佢哋為爭常規賽冠軍，近期破釜沉舟大踢進攻足球，尤其客戰更加係有前無後、打死罷就！ 勝利對上5場作客聯賽全部開大，每場至少入2球，但呢5仗同時失咗9個波，依家勝利恃住有艾奇湯臣、貝利沙同賓卡法拿入波停不了，今場肯定同鳳凰仔鬥攻！

頂占筍盤：
威靈頓鳳凰（入球大）