SAMVO肥叔：華倫正氣主場發維

雖然有錢唔係萬能，但冇錢就真係萬萬不能，近年西班牙球壇經濟不景氣問題未有改變，除咗皇馬同巴塞兩大班霸之外，其他球隊都苦苦掙扎，只要有「白武士」出嚟打救，就算係來自亞洲嘅財團都會?飯應。好似中國大連萬達集團揸弗人王健林，剛以近5,000萬歐元收購馬體會兩成股份，成為呢支上屆歐聯亞軍股東之一。另一支西甲球隊華倫西亞，自新加坡富豪林榮福成為新班主後重上正軌，今晚喺聯賽主場火併維拉利爾，值得睇高一線。

（now 632周日晚11時直播）

星富豪入主回正軌
華倫早年發大嚟搞狂燒錢，可惜經營不善入不敷支，當近幾季冇得踢「金礦」歐聯，就愈窮愈見鬼，所有財政問題即刻浮面。好彩新加坡富豪林榮福及時入主，又還債又注資，球員唔使再驚有汗出冇糧出，落場比賽都醒神好多，依家殺上聯賽第三，大有機會取得下屆歐聯入場券。

查實「蝙蝠兵團」今季表現正氣，應贏則贏甚少甩轆，之前七仗贏咗六場氣勢如虹，單計主場只曾不敵巴塞，相反維拉利爾近七仗僅一勝，更喺歐霸16強遭另一西甲兵西維爾踢出局，士氣受挫，初盤華倫要讓平半兼低水，非常正路，睇個勢相信仲會有飛落，肥叔認為呢個上盤有買趁早。

肥叔心水
熱刺 上盤

奧格斯堡 上盤

新特蘭 平手盤

華倫西亞 上盤

柏達邦 下盤

切爾達 下盤、大