西班牙盃捧“皇”黨

西班牙盃捧“皇”黨

一埸過的西班牙盃決戰今晚上演，皇家馬德里火併馬德里體育會。對賽往績，皇馬完全佔據優勢，近十次碰頭，皇馬贏足十埸，今季聯賽主客場亦以技術性輕鬆擊倒對手，食硬馬體會之餘，馬德里市一哥地位無可代替。

馬體會今季聯賽表現可圈可點，唯一可惜遇弱必強，遇強變弱，特別對住巴塞與皇馬，的確惡唔出樣，今仗力圖爆冷機會唔大。初盤皇家馬德里硬讓一球，誓要捧盃的皇馬料可贏波贏盤。

“老摩”下季離開球會幾成事實，必為皇馬捧最後一個錦標，雖然與球員之間出現不和，始終都會大局為重。陣容方面，守將柏比將會被老摩雪藏，卡華奴與華拿尼因傷缺陣，中路可能成為致命傷。不過，球隊一向以進攻為主，只要加強中前場攻擊力，減低後防壓力，皇馬勝算依然甚高。

馬體會同樣攻強守弱，對住攻力較強球隊防線經常手忙腳亂，上場聯賽對巴塞更出現“烏龍波”情況，實在欠缺安全感。此外，主場發揮與作客表現完全兩回事，走樣情況周不時現形，今仗作客貝拿堡球埸，相信亦難有佳作。

推介：皇家馬德里3:1