卡爾萬：巴拉福特「讓客」打雷

今晚英總8強重賽，英甲「神奇球隊」巴拉福特為延續神奇之旅，上場聯賽收起唔少主將留力，今場造訪英冠球隊雷丁之前，更獲無名氏出錢贊助預訂旅遊巴，接載球迷入場打氣。球員、球迷眾志成城，受讓當然係支持1.99倍「讓客」啦！

（now633台周二凌晨3:45直播）

雷丁晉級未遇考驗
巴拉福特上場聯賽收起比利柯得、舒漢等中後場主力之餘，比利奇勒、菲臘摩拉斯同占士漢臣等進攻好手，同埋今屆每圈英總都有斬獲嘅史迪都踢唔足全場，擺明留力喺今場足總盃重賽搏殺。睇番巴拉福特上次鬥雷丁不落下風，論攻勢亦到肉過對手，所以唔好睇小呢支「神奇球隊」呀！

主隊雷丁為咗備戰今仗，教頭奇勒喺上場聯賽鬥屈福特之戰亦收起大部分正選，但要留意佢哋今屆足總盃未試過「越級挑戰」，之前幾圈只係贏哈特斯菲爾德、卡迪夫城同打比郡幾支同級球隊，相比巴拉福特接連砌低英超嘅車路士同新特蘭，雷丁晉級可以話未受考驗。巴拉福特連造訪史丹福橋都冇有怕，今戰都可以當雷丁個主場冇到啦！

英格蘭足總盃賽制：今場為8強重賽，法定時間內打和將加時30分鐘，未分勝負則互射12碼決勝。