巴西盃：富明尼斯愈踢愈沉 巴希亞得細不饒人_東方日報
玩球网 2025-09-10 00:00:00
| 巴西盃8強次回合，富明尼斯主場迎戰巴希亞，雙方實力接近，首回合巴希亞踢到86分鐘入波險勝1比0，今仗應會主守希望力保勝果晉級。富明尼斯雖然要力爭收復失地，但狀態欠佳，恐怕有心無力，考慮到富明尼斯近4場有3場總入球開2球或以下，寧願博中位數2.5球嘅入球細。（周四早上6時開賽）文:Mic少 富明尼斯近期3線作戰，需要兼顧南球盃、巴甲及巴西盃，令球員疲於奔命，開始吃不消，早前聯賽2比4不敵巴拉干天奴紅牛之後，跟住巴西盃0比1輸畀巴希亞，上場聯賽亦只能同山度士悶和0比0，換言之富明尼斯已連續2場冇波入，一旦巴希亞今仗屯重兵防守，恐怕富明尼斯更加難以取得入球。睇番富明尼斯最近1次主場對巴希亞，都只係僅勝1比0，今場即使有地利亦不宜高估。 拉布戰術保住勝果 至於目前喺巴甲排名第4嘅巴希亞，今場打和都可以晉級，冇必要同對手硬碰，應該會專注踢穩守突擊。睇番巴希亞16強兩回合就係最佳例子，佢哋首回合主場贏丙組球隊雷特羅FC之後，次回合作客即改踢「拉布戰術」結果賽和0比0。巴希亞對住丙組仔都表現得咁保守，更何況今仗對手富明尼斯同屬巴甲球隊，勢必以穩陣行先，預計入波唔會多，捧細盤啱數。 |