日聯盃：作客橫濱先下手為強 柏雷素爾不勝無歸_東方日報
玩球网 2025-09-03 00:00:00
| 日聯盃8強首回合，橫濱水手先喺主場迎戰柏雷素爾。兩軍喺日職排名一地一天，橫濱水手依家志切護級，未有餘力喺盃賽搏殺；相反柏雷素爾近年剋住橫濱水手，今仗有力先贏一場，客勝抵玩。（無綫82台周三晚6時直播）文:工廠仔 橫濱水手今季聯賽成績低迷，一直深陷降班漩渦，令球迷大感失望；不過球隊近期開始發力，護級重現曙光，保住日職席位仍然係水手餘下球季首要任務，因此放喺盃賽嘅心思肯定唔會太大，尤其球隊今季陣容出現變化，包括巴西射手恩蘇沙已轉戰卡塔爾，水手根本缺乏人腳去兼顧兩條戰線，今場難免會避重就輕，就算有主場之利亦不容樂觀。 出戰盃賽踢法進取 相反，柏雷素爾正爭奪日職同日聯盃冠軍，球隊近期愈戰愈勇，喺聯賽冠軍爭逐形勢群雄割據下，日聯盃冠軍絕對係柏雷素爾重要目標，佢哋喺盃賽踢法亦相當進取，上一圈對東京綠茵，首回合作客就先以3比0拿下勝局，為晉級奠定基礎，今場照辦煮碗必以勝仗為目標。翻查兩隊近4次對賽，柏雷素爾取得3勝明顯佔優，今場開客勝機會高。 |