SAMVO肥叔 ：雷丁平手盤隨時嚟料

每逢三月，無論爭標定護級，歐洲各大聯賽都進入最關鍵時刻，豪門通常為爭聯賽同歐聯搏殺，甚至要兼顧國內盃賽添，幾條戰線都咪話唔攰，撞正為搶分護級、往往戰意無限嘅下游分子，造成阻力相對極大，豪門唔係話贏就贏到，如果加開快車仲唔得掂。好似上周中英超快車賽程，車路士、阿仙奴、曼聯等前列勁旅，約埋一齊煲魚生粥僅僅熟，贏波但輸盤或走盤；擸晒三分最實際，能否大勝益上盤客唔關佢事，因此呢段時間各位投注真係要打醒精神，唔好盲目追捧名牌球隊。

巴素利入波先有價講
至於今晚歐聯16強次回合，波圖返主場迎戰巴素利，雖然上仗各一言和，但巴素利輸咗個作客入球，今仗去到火龍球場唔攻唔得，而且初盤波圖讓一球、球半太辣唔多值博，轉玩入球大好過。另一場皇馬主場出戰史浩克04，「銀河艦隊」領先緊兩粒，戰意難測，初盤讓到兩球唔多抵玩，呢場都係買大盤。英冠補賽雷丁主場對白禮頓，雙方均列榜下游半斤八両，後者近四仗贏三場走勢凌厲，雷丁卻四戰不勝，今仗開平手盤雷丁卻有低水，部分莊家更開出雷丁讓平半，蠱蠱惑惑似乎有計喎，不妨小敲雷丁。

大戶動向
肥叔縱橫足球博彩界多年，先鋒地位誰可代替？更摸清各路大戶投注取向，市場動態盡掌握！