世冠盃：德西雙雄展翅高飛_東方日報
玩球网 2025-07-05 00:00:00
| 歐洲王者激戰2連發 世冠盃8強上演兩場「歐陸對決」，4支今昔歐聯冠軍正面交鋒！新任歐洲盟主巴黎聖日耳門（PSG）惡鬥拜仁慕尼黑、15屆冠軍皇家馬德里就大戰多蒙特。兩場大戰都係歐聯決賽翻版，2020年拜仁曾以1比0擊敗PSG封王、2024年皇馬2比0贏多蒙特奪冠，兩對宿敵喺世冠盃賽場再交鋒，激戰可期！ 拜仁突擊破門搶客W 世冠盃8強重量級大戰，歐聯盟主巴黎聖日耳門（PSG）激鬥德甲班霸拜仁慕尼黑。兩支歐洲勁旅經過漫長球季後，體能狀態係勝負關鍵，拜仁慕尼黑今屆輪換充足，演出同抗壓力比PSG更勝一籌，加上近年對戰都「食」住對手，客勝值得一博。（周日凌晨零時開賽） PSG橫掃歐聯、法甲同法足盃3冠王後，一眾主力又要踢歐國聯，緊接再出戰世冠盃，域天拿、祖奧尼維斯等主力由上季至今已累積超過4,000分鐘上陣時間，體能相信已達極限。 巴黎聖日耳門近期連贏2支美職球隊係憑質取勝，不過分組賽面對狀態十足嘅保地花高時，就以0比1落敗。 穆斯亞拿復出組三叉㦸 反觀拜仁慕尼黑今屆霸氣十足，首仗即以10球狂勝奧克蘭，分組賽只係喺提早出線情況下，收起主力導致輸畀賓菲加，16強回復強陣即以4比2大破法林明高，拜仁今仗更有進攻核心穆斯亞拿傷愈復出，同弗爆嘅哈利卡尼、米高奧利斯合作攻堅，火力有保證。 拜仁慕尼黑喺高柏尼領軍下，踢法更加實際，可以踢控球在腳做主攻，亦可以放棄球權踢反擊戰，面對崇尚強攻嘅巴黎聖日耳門，有力用高效率反擊克敵。翻查兩支勁旅近4次交鋒，拜仁慕尼黑全部贏晒，今場有望延續勝勢，客勝抵玩。 |