世冠盃：法林明高爆磯騷Quali_東方日報
玩球网 2025-06-24 00:00:00
| 世冠盃D組賽事，美職球隊FC洛杉磯對巴甲勁旅法林明高，呢場比賽已成例行公事，0分嘅FC洛杉磯已篤定出局，2戰全勝嘅法林明高更鎖定首名晉級。法林明高氣勢強勁，難得可以喺世界舞台Show Quali，為名為利都唔會揸流攤，今場一於熱捧客勝。（周三早上9時開賽）文:工廠仔 洛杉磯連敗Fans都唔撐 今屆世冠盃最出名係獎金豐厚，為吸引參加球會「打真軍」，每場比賽都有贏波獎金，分組賽每場贏波就價值200萬美元，和波就會「縮水」到100萬美元。巴西球會本來就唔算富裕，難得有機會喺全球觀眾面前展示力量，仲可以贏大錢，今場肯定唔會留力。 法林明高喺菲臘路爾斯執教下，世冠盃前已經全面撻着，近6場比賽全部贏波，當中5場仲要贏2球或以上，表現好有說服力。FC洛杉磯實力所限，今屆2場都入唔到波，就連美國嘅球迷都唔撐佢哋場，頭兩輪分組賽入場觀眾加埋唔夠4萬人，今場對法林明高凶多吉少，放心捧客勝。 |