Mic少 ：埃及美斯當弗費倫+1有着素

呢期意甲最爆紅人物一定係費倫天拿翼鋒穆罕默德沙拿，呢位「埃及美斯」果然名不虛傳，上仗意大利盃鬥祖雲達斯，表演由後半場帶波直扭入禁區勁射破網，同正牌美斯有得揮。穆罕默德沙拿令「紫百合」盛放，今晚意甲作客拉素，仲要得受讓，必捧費倫天拿讓球客勝。

（TVB301周二凌晨2時直播）

穆罕默德沙拿1月尾被車仔外借去費倫，大踢爭氣波，意甲、意盃、歐霸盃三線作戰，令呢位餓波已久嘅快翼，瘋狂騷哥利，佢近6場比賽總共轟入6球，入波率勁過美斯同C朗，強如祖雲達斯都抵擋唔住佢。穆罕默德沙拿上仗意盃梅開二度，打破祖記近47場主場不敗之身，旺到咁，當然要繼續追。

拉素主力射手菲臘佐積域養傷，靠晒36歲前鋒高路斯攻堅，球隊剛於意盃惡鬥完拿玻里，對呢位老將負荷甚重，未必回到氣。拉素近兩次主場對費倫，只有1和1負，讓唔起對手。

薩斯索羅「細」頂祖記
另一場意甲，祖雲達斯主場對薩斯索羅，祖記已經拋離其他球隊，球員或會鬆懈，而且亦冇必要大炒對手。薩斯索羅首循環曾打和祖記1比1，隨時再施「守」術，捧入球細為妙。

（TVB301周二凌晨4時直播）