每個淨勝球獎300萬人仔
戰勝曾經的自己！今日响亞冠盃H組首戰主場出擊，迎戰韓職「老」牌強隊FC首爾嘅廣州恒大淘寶（足智彩譯FC廣州），就係用呢句說話嚟做宣傳海報，反映出佢哋決心大炒仇家，2.2倍「讓球主勝」抵博。 （now671台周三晚8:00直播） FC首爾莫財賣主力
恒大、首爾前年响亞冠盃決賽相遇，兩度交鋒踢成3:3，恒大憑作客入球優惠封王，大家嘅牙齒印幾深吓。今次冤家碰頭，恒大雖則少咗後防大將張琳芃，前鋒郜林又停賽，但係列卡度高拉特、艾傑臣呢對巴西攻擊組合堅過石堅，面對因為資金不足，賣走唔少當打球員，靠車斗里、金龍大、金致佑、鄭祖國同金珍圭呢五件三張嘢阿叔支撐大局嘅首爾，恒大單係打速度同緊迫都搵到食。何況恒大今年除咗每贏一場獎300萬人仔，每淨勝1球再醒多300萬，想佢班人唔去盡都難，首爾今次大煲嘞！ | 
