SAMVO肥叔：獅吼發功嚇窒FC北京

新正頭最緊要開靚個頭，肥叔於周日揀盤貼中蘇斯達、韋斯咸、禾夫斯堡同拖連奴，另加愛華頓大盤，希望幫到大家發番個新年財喇！

博彩切忌貪勝不知輸，同日大戶晨早中咗蘇斯達入球大，心雄之下梗係乘勝追擊，夜啲見到今季咁弗嘅「聖人」修咸頓主場對利物浦，前者竟然有平手盤咁筍，講真雙方實力半斤八両，大戶押注「聖人」諗住坐和望贏，點知紅軍極速領先贏到尾，之前所贏一次過冇晒兼嘔凸，開壞個頭認真唔老利。

講番今日賽事，亞冠盃G組分組賽有澳職布里斯班獅吼主場迎戰FC北京，中超球隊喺自己地頭就也文也武，FC北京今場作客隨時現形，況且布里斯班獅吼日前聯賽因打風延期，呢場波可謂以逸待勞，挾住三連勝氣勢仲有平手盤，真係有買趁早。

（周三下午5時30分開賽）

森林當旺受讓筍
至於歐聯十六強首回合，阿仙奴抽到靚籤，今晚先喺主場對住法甲褪色勁旅摩納哥，後者班主今季唔肯泵水，實力不進反退，初盤阿仙奴讓一球合理，上盤有計。

最後英冠諾定咸森林主場對「三哥」般尼茅夫，後者近三場不勝陷於低潮，對爭升班打擊極大，相反森林近四仗不敗兼且轟入十四粒，成班球員信心返晒嚟，此消彼長之下仲有得受讓半球，肥叔認為呢個下盤不容錯過。

（周四凌晨3時45分開賽）

大戶動向
肥叔縱橫足球博彩界多年，先鋒地位誰可代替？更摸清各路大戶投注取向，市場動態盡掌握！