雷法爾：雲特讓得起CF格蘭納達

今晚西甲將會上演護級大戰，由利雲特主場迎戰CF格蘭納達。兩軍目前同得19分，利雲特輸得失球排低過後者一級排19位。若然佢哋唔想被其他護級球隊愈拋愈遠，今仗要醒醒定定至得。幸好利雲特主場表現轉穩，呢次撞正CF格蘭納達鬧兵荒仲唔出力搶Win咩！就算佢哋讓平半照撐1.9倍上盤。

（開賽時間：周二凌晨3:45）

無錯，利雲特近況的確唔算突出，但呢班波勝在返番自己地頭出戰都叫做有威力。佢哋近3場主場取得2勝1負，當中仲炒過前列分子馬拉加4:1添。何況射手巴華踢主場特別醒神，佢喺呢3仗夾埋轟入5粒，就算另一鋒將艾沙亞休戰相信無礙主隊再贏一仗。

CF格蘭納達鬧兵荒
相比之下，CF格蘭納達連續12場作客未贏過，近5場作客佢哋足足有4場食白果，仲要每場至少失2球，邊似有搶分本錢先？更大鑊嘅係前鋒比迪、中場祖安哥度巴、法蘭列高同守將艾曼紐恩素亞4件主力停賽，三線齊齊鬧兵荒咁仲邊度捧得落手吖！