艾爾切遇強未威過 (now632台及TVB13周一凌晨4:00直播) 皇馬喺上周中歐聯16強首回合作客輕鬆以2:0砌低史浩克,晉級8強呼聲高唱入雲。嗰場波除咗C朗有貨交之外,後防大將比比能夠及時復出,鞏固番條防線亦係致勝關鍵。其實只要C朗有士哥帶得起班波,皇馬又點會放艾爾切在眼內吖,係爭在贏幾多粒啫! 「艦隊」球員 撐安帥留任 主隊艾爾切近況雖然係唔錯,不過呢支積分榜下游球隊質素有限,今季對住巴塞、皇馬最少都輸3粒,上個月佢哋3鬥巴塞總共吞咗15隻蛋,隨時到依家都未滯完又試遇強腳軟,今晚主場都應該難逃一劫咯! |