狀態體力乜都贏晒
今個農曆新年認真忙碌，日頭要四出拜年逗利是，夜晚就要捱眼瞓睇波，足總盃、聯賽、歐聯同歐霸盃乜都有！啱啱喺歐霸盃32強首回合砌低比錫達斯嘅利物浦，今晚會作客抖足10日嘅修咸頓，論體力同狀態，「聖人」絕對佔晒上風，加埋佢哋有主場之利，平手盤梗係捧1.79倍嘅修咸頓啦！ 利物浦上個星期贏咗3場好重要嘅比賽，先喺聯賽打低前4競爭對手熱刺，跟手喺足總盃反勝水晶宮進身8強，剛啱就喺歐霸盃贏波，睇落好似狀態返晒嚟咁！之不過凡事都唔好齋睇表面，「紅軍」家陣查實有唔少隱憂，隊長謝拉特傷咗搞到冇人壓場，無王管嘅巴洛迪利即刻作反，周中鬥比錫達斯場波爭射12碼，喂，完全冇Teamwork喎！ 巴神忽龍忽蟲靠唔住
唔單止「巴神」神神化化靠唔住，查實有細心睇呢幾場波嘅球迷，都見到傷愈復出嘅史杜列治，冇咗蘇亞雷斯掩護後已經唔再好似上季咁咁Sharp醒，新拍檔史達寧唔係話唔好，只係呢位後生仔仲欠些少穩定性同火候，史杜列治有時就佢都就得幾辛苦，今晚「紅軍」造訪靠主場搵食嘅修咸頓，真係危危哋囉。 聖人連o趙阿仙奴曼聯
最重要一點，係「聖人」由季初畀人睇淡，到依家有望爭取來屆歐洲賽入場券，班手足肯定個個心雄，場場搏盡。修咸頓喺1月份嘅表現相當出色，佢哋喺元旦日主場贏阿仙奴兩粒，又作客擊敗曼聯同紐卡素，獲選為1月份最佳領隊嘅朗奴高文實在應記一功！呢位荷蘭名帥賽前仲話，有信心幫射手加斯安奴柏利重拾勇態，柏利為報答朗奴高文嘅信任，肯定想搵「紅軍」祭旗，修咸頓平手盤坐和望贏喎！ 盤路解碼：
修咸頓英超連開7場「角球細」。 Data King：荷西方迪英超攔截王
?雙方近12次對壘未試過和波收場。 ?修咸頓後衞荷西方迪為今季英超攔截次數（71次）最多球員。 ?利物浦今季英超12場作客開出8次「半場細」。 | 
