今日係大年初二,科娜喺度祝各位東方波經讀者財運亨通,買咩贏咩!今日晏晝有場澳職直播賽事,布里斯班獅吼主場對墨爾本勝利,獅吼近期為爭奪季後賽資格全面發力,近3場全勝,今場對住排名更高嘅勝利都未驚過喇,最緊要係獅吼對賽往績食住對手,平手盤一於要獅吼! (有線64及203台周五下午5時直播) 勝利作客腳仔軟 勝利之所以能夠排喺榜內第2位,主要係靠主場攞分,作客踢咗8場只係贏咗兩場咁大把,而且對賽往績亦輸蝕,近6次作客獅吼都未贏過,其中5場仲要輸埋。獅吼喺靚績支持下,球員未開波心理已佔優,平手盤獅吼坐和望贏,冇理由唔捧呀? |