歐聯16強 陪你迎羊年
恭喜發財！聽日係大年初一，張峰喺度先祝大家身體健康、波運亨通！今晚歐聯16強首回合就有場超勁戲碼，史浩克04喺主場迎戰皇家馬德里，陪大家迎接羊年！歇冬後狀態再升呢嘅史浩克，上屆喺歐聯兩回合計慘敗畀皇馬2:9，今屆再遇皇馬，撞啱「銀河艦隊」狀態麻麻，勢必搏盡一雪前恥，2.9倍「讓主」值得留意之餘，不妨兼顧埋3.5球中位數嘅2.25倍入球大，隨時雙贏！ （有線61及201周四凌晨3:45直播） 史浩克今季喺德甲主場戰績勁對辦，錄得7勝3和1負，最抵讚係佢哋歇冬後仍然保持住唔錯嘅狀態，3場聯賽勝和負各1，其中包括作客摸和班霸拜仁慕尼黑，真係有晒交代。再講，史浩克今季對硬嘢似乎幾有計，聯賽兩循環頂得住拜仁，喺歐聯分組賽又逼和過車路士，證明呢班波係遇強愈強，今晚主場出擊，梗係有力同皇馬撼過啦！ 莫亭 亨特拉爾 弗爆多士哥
查實史浩克今季成績咁好，主帥迪馬堤奧實在係應記一功。今季佢除咗打造一條堅固防線，解決晒以往後防唔掂嘅問題，最重要係迪帥眼光獨到，派晒祖普莫亭同亨特拉爾兩件球星合組雙箭頭，呢對夢幻前鋒組合，今季合共入咗16粒聯賽士哥，羊年第一擊面對天殘地缺嘅皇馬防線，隊番兩、三粒有乜咁奇呀？ 皇馬拉莫斯打柴 靠新丁孭飛
相反，皇馬踏入2015年後跌晒Watt，鬼咩，呢班波經常受傷停問題影響，特別係一對中堅大將沙治奧拉莫斯同比比成日齊齊打柴，搞到中門大開，雖然比比有隨隊去蓋爾森基興，仲列入20人大軍之列，但呢位「葡國殺人王」始終啱啱傷愈，未必靠得住。「替工」華拉尼係潛質優厚，但根本未夠火喉；另一件新丁拿祖費南迪斯就仲衰，又冇經驗又冇速度，面對歐聯作客波嘅壓力，隨時犯下致命大錯。王牌C朗、賓施馬、加里夫巴利幾勁都好，分分鐘入埋都唔夠輸啦！今晚一於捧史浩克同入球大，食住瓜子睇歐聯、迎接羊年啦！ Data King：獵人專吼歐聯主場搵食
?史浩克「獵人」亨特拉爾近10次歐聯主場入8球。 ?皇馬近5戰作客得1場保持不失，其餘4場共失9球。 ?皇馬近10戰開出7次「角球大」。 盤路解碼
史浩克今屆歐聯分組賽失14球，為16強中失波最多嗰隊。 （史浩克 Vs 皇馬 初一凌晨3:45開Show） | 
