“賓”仔搭“車”趕決賽

“賓”仔搭“車”趕決賽

歐霸盃四強次回合今晚兩場同時上演，賓菲加主場迎戰費倫巴治許勝不許和，車路士繼續強勢出擊，決賽在望。

賓菲加雖然首戰一球落後，但形勢並非太差，今仗返到主場有信心可以翻盤，皆因主場無敵，聯賽及歐霸盃未嘗一敗，而且攻力十足，初盤讓一球／球半，仍可睇高一線。費倫巴治平均人腳唔算突出，首回合亦贏得比較僥倖，對住主場極惡的賓菲加實在難以突圍。

車路士首回合先聲奪人，一球領先對手巴素利兼有兩個作客入球，殺入決賽高唱入雲。除非今晚主場大失水準，被對手離奇翻盤，但呢個可能性唔高。因為首回合車仔作客依然取得較大優勢，證明兩隊實力有高低，今晚更加在自己“車場”出擊，贏唔到真係羞家，只係贏多贏少問題。

明知與車仔有距離，相信巴素利亦會全力一拼，要收復失地就要全軍壓上。但講鬥攻，邊夠一班“車手”嘅質素，何況棄守而攻，防線更出現唔少漏洞，車仔大把機會乘虛而入，初盤車路士讓一球／球半，捧車仔至少執兩球。

推介：

賓菲加2:0

車路士3:0