巴塞贏波攞尾彩

巴塞贏波攞尾彩

巴塞四球慘敗在拜仁腳下，要殺入歐冠盃決賽幾乎係不可能的任務，只希望忘記慘痛經歷，化悲憤為力量，今晚次回合在主場能勝回漂亮一仗。

有波友話拜仁首回合勝之不武，原因頭三個入球都有犯規或越位之嫌。但無論比分或結果如何，無可否認拜仁上場表現的確可圈可點，贏波亦屬合情合理，始終球員發揮、鬥心及戰術運用都比巴塞出色，只要今晚踢出同樣水準，巴塞要創造奇蹟殺入決賽，真係難過登天。初盤巴塞羅那只讓半球，話晒巴塞自己地頭出戰，應可贏波攞彩。

巴塞要攻入拜仁四球？當然唔排除呢個可能性，稱得為“地上最強”攻力一定深厚，只不過，亦難保巴塞不失一球，因為球隊後遺症相當嚴重，失球數字節節上升，上場聯賽對住畢爾包都可以失兩球，防線簡直令人失去信心，揀波膽巴塞羅那贏波嘅“工友”，不妨考慮一字尾，即係二比一或三比一有數圍。

拜仁今仗與巴塞對攻亦未驚過，只要“搞掂”一球，巴塞就要攻入六球，翻盤難度更加高，拜仁可以訂定機票去倫敦打決賽。

推介：巴塞羅那2:1