法達斯維 ：修咸頓殘陣 聽畀錘扑

異軍突起嘅韋斯咸，今晚作客「三哥」修咸頓。「錘仔幫」上仗補時畀曼聯逼和，打得咁好卻要嘔番兩分出嚟勁唔抵，中堅「靚佬湯」湯堅斯賽後稱畀尹佩斯同費蘭尼連番批（月爭），球證連黃牌都冇張畀佢哋，依家班波谷埋成肚火，好彩幾條「大杉」占士哥連斯、雲斯頓列特同安祖卡路爾有望趕及候命，撞正修咸頓仍有艾達韋列特同沙恩朗養傷，左閘賴恩貝特蘭續坐波監，韋斯咸要頂住氣勢回落兼個陣殘殘哋嘅修咸頓唔難，受讓半一，下盤有買趁早。

（now 624周四凌晨3時45分直播）