澳職：墨爾本打吡半場講和_東方日報
玩球网 2024-05-05 00:00:00
| 澳職季後賽淘汰圈上演「墨爾本打吡」，由墨爾本勝利火併墨爾本城。墨爾本勝利全季僅輸5場，係澳職落敗第2少球隊，佢哋踢法留前鬥後，近4場全開半場和，值得跟進。墨爾本城是上季常規賽冠軍，雖然今季成績下滑僅排第6，但打吡戰肯定搏命，既然雙方近5次交手4次開半場和，再追半場和啱數。（無綫myTV SUPER周日下午3時直播） 兩支同市宿敵碰頭爭入季後賽4強，兩隊共用同一主場，所以冇話邊隊着數，靠臨場發揮見真章。 勝利係和波專家 論表現墨爾本勝利較佳，佢哋常規賽排第3，今季兩次對墨爾本城錄得1勝1和，睇落有一定優勢，烏拉圭射手科拿路利常規賽攻入18球，僅次於珀斯光輝前鋒阿當泰加特排射手榜次席，今場爭勝要繼續靠佢，不過墨爾本勝利亦係和波最多球隊，多達12場，所以今場法定時間隨時打和要加時分勝負，半場和機會唔細。 墨爾本城今季成績下滑，直至前仗關鍵賽事以2比1險勝西悉尼流浪者，先至驚險取得常規賽第6名，打入季後賽淘汰圈。佢哋雖然表現飄忽，不過仍然保持強大攻力，全隊今季入50球屬澳職入球第3多，不容小覷，中場托爾基阿斯蘭今季入13球7助攻，同射手占美麥卡倫合作無間，墨爾本勝利更要小心防範避免先落後，開半場和機會更高。 |