Peter一向熱愛足球,深明青訓嘅重要性,因此尋日特登走去青衣東北球場,欣賞兩間母會青年軍進行嘅榜首大戰,就係由荃灣U16火併南華U16,因為以依家本地青年軍嘅水平嚟講,呢兩班應該係最好,筆者希望藉此喺當中發掘一些未來之星,集多名同齡港代表隊精英嘅「少林寺」,最終狂數荃灣U16六蛋,獨佔榜首,只要嚟緊賽事唔輕敵,奪冠機會高唱入雲。 講番今晚英格蘭足總盃第4圈,英超列強均抽到好籤,出戰較低組別球隊,好似車路士對巴拉福特、曼城對米杜士堡,預計佢哋可以輕鬆過關。 既然上述比賽個個都識買,又熱又乏味,Peter就推介其他足總盃賽事,包括全英冠對碰嘅卡迪夫城主場硬撼雷丁,「卡城」坐擁地利兼唔使讓波,相當着數,平手盤非常抵玩。 打比郡主勝做變倍器 金句:塵歸塵土歸土,足總盃列強抽得好 |