法達斯維：巴塞炒艾爾切賀碧基仔牛一

至於回勇嘅巴塞則作客艾爾切，「地上最強」中堅碧基囝囝米蘭啱啱兩歲牛一，成班隊友仲齊齊同佢慶生添，依家巴塞氣勢如虹，今晚撞正「私房菜」艾爾切，梗係想大勝一場作為送畀米蘭仔嘅生日禮物，就算讓球主客和要讓到兩球都冇有怕，直取讓球客勝。

（now 632周日凌晨1時直播）

巴塞後衞碧基近日喜氣重重，除重奪正選外，前日係佢囝囝米蘭兩歲牛一，呢位廿四孝老竇立即喺酒店搞咗個生日Party，廣邀百多名親朋好友出席，當然唔少得美斯、蘇亞雷斯等巴塞隊友，各人均盡興而歸。玩得咁開心梗係唔好畀佢停，今晚巴塞作客弱旅艾爾切，「地上最強」連盃賽五連勝，強勢勒都勒唔住；睇番佢哋今年西盃兩鬥艾爾切狂數九蛋，況且「MSN」組合美斯、蘇亞雷斯同尼馬嘅三叉戟愈來愈夾，艾爾切真係未踢已經腳仔軟，讓球客勝咪錯過。

馬體會強攻華歷簡奴
另一仗馬德里體育會主場迎戰華歷簡奴，雖然馬體會下周中有西班牙盃八強次回合後顧，不過佢哋板櫈深度夠，費蘭度托利斯回歸後重拾佳態，而且教練施蒙尼調動得宜，無懼兼顧兩條戰線；連盃賽在內，佢哋最近九次主場贏波都淨勝對手兩球或以上，咁啱華歷簡奴又係欺善怕惡之流，作客對現時聯賽榜前六名、包括皇馬、華倫西亞及維拉利爾全部輸晒，夾埋一共失咗十二球，今場熱捧讓球主勝。

（now 632及TVB 13周日凌晨3時直播）