阿占 :爭標Vs博賣盤 阿聯噴射機做大騷

喺澳洲舉行嘅亞洲盃去到最後階段，雖然澳洲殺入4強，但無阻已經讓路兩個禮拜嘅澳職重開。呢個晏晝打頭陣係阿德萊德聯主場對紐卡素噴射機，尾場就有中岸水手對FC悉尼。

爭標嘅阿德萊德聯趁呢段休戰期叉電，餓咗一輪波，一踢番梗係想打響頭炮啦。不過對手噴射機近日傾緊賣盤，班球員為自己、為球隊肯定想做靚個「業績」，各有各要爭取之下，今場隨時合演場入球騷，一於敲1.68倍入球大！

（有線64、203周六下午2:00直播）

阿聯翼鋒阿積士試腳
「阿聯」休戰前叻仔擊敗「一哥」珀斯光輝，重燃爭常規賽冠軍希望。今季表現突出嘅肯亞翼鋒馬比，上星期更到荷甲勁旅阿積士試腳，雖然呢位19歲新星最終冇被羅致有啲可惜，但就有利「阿聯」爭標。馬比已經歸隊，教練甘巴爾仲鼓勵佢，讚係澳洲U20最佳球員。

另一位「阿聯」球員、足踝有傷嘅阿根廷中場卡路斯卡亦喺呢排專心養傷，今場應該可以出番，球隊火力夠晒保證。反而後防戴恩麥高雲傷咗，防守力有啲隱憂噃。

至於噴射機近日就積極同人斟賣盤，據聞蘇超球會登地聯老闆史提芬湯臣將會入主，班球員為博新老闆賞識，點會放軟手腳。更何況噴射機今季唯一勝仗就係贏阿德萊德聯，今場絕對有信心同對方死過，咁即係開入球大機會大增啦！

頂占筍盤：阿德萊德聯（入球大）