如果有睇開呢個專欄,都知道肥叔一見到中國國家隊賽事都避之則吉,一來以往畀佢哋跣得太多,二來都要為讀者負責。不過國足於今屆亞洲盃嘅表現,令人眼前一亮,最終殺入8強畀東道主澳洲淘汰雖敗不辱,嚟緊不妨留意下呢支正在復甦嘅「龍之隊」。講番今晚推介,英冠諾域治主場迎戰賓福特,前者讓半一太多,捧番下盤。 (TVB 301周六晚11時直播) 肥叔喺球壇打滾多年,識落唔少猛人,眾所周知英冠球隊賓福特老闆係肥叔世姪,呢位猶太人有幹勁做生意又叻,今季升上英冠後勢頭幾好,一直穩守中上游。但世姪深知英超係另一個世界,若果下季升到班,班波未必能承受龐大壓力,仲要使一筆大錢擴軍,唔多划算,寧願先喺英冠站穩陣腳,累積多啲經驗再諗「衝超」,所以賓福特有段時間無喇喇跌Watt,相信係話事人有心咁做。 李城專注護級唔阻熱刺 (周六晚11時開賽) |