至於回勇嘅巴塞則作客艾爾切,「地上最強」中堅碧基囝囝米蘭啱啱兩歲牛一,成班隊友仲齊齊同佢慶生添,依家巴塞氣勢如虹,今晚撞正「私房菜」艾爾切,梗係想大勝一場作為送畀米蘭仔嘅生日禮物,就算讓球主客和要讓到兩球都冇有怕,直取讓球客勝。 (now 632周日凌晨1時直播) 巴塞後衞碧基近日喜氣重重,除重奪正選外,前日係佢囝囝米蘭兩歲牛一,呢位廿四孝老竇立即喺酒店搞咗個生日Party,廣邀百多名親朋好友出席,當然唔少得美斯、蘇亞雷斯等巴塞隊友,各人均盡興而歸。玩得咁開心梗係唔好畀佢停,今晚巴塞作客弱旅艾爾切,「地上最強」連盃賽五連勝,強勢勒都勒唔住;睇番佢哋今年西盃兩鬥艾爾切狂數九蛋,況且「MSN」組合美斯、蘇亞雷斯同尼馬嘅三叉戟愈來愈夾,艾爾切真係未踢已經腳仔軟,讓球客勝咪錯過。 馬體會強攻華歷簡奴 (now 632及TVB 13周日凌晨3時直播) |