3線齊腳尹帥要報私仇 曼聯近排喜事接二連三,連續11場波未輸過唔在講,最重要係「紅魔」穩坐積分榜第3位之後,傷兵情況亦大大改善,左閘勞基梳爾喺英格蘭足總盃第3圈對伊奧維嗰陣雖然受傷,但好彩傷勢已經無乜大礙,今晚好大機會傷愈復出倒戈;同時,前巴塞隆拿門神域陀華迪斯又啱啱簽字加盟曼聯,尹戈爾都話,有佢向迪基亞施壓,「基神」狀態肯定再升呢,防守力唔講得笑! 防線有保證,鋒線班巨星都唔執輸,隊長朗尼日前力壓韋碧克同史達寧,成為2014年度最佳英格蘭國腳,法卡奧亦回復番佢以前喺馬體會嗰陣嘅水準,拍住尹佩斯衝鋒陷陣,火力齋聽個名都嚇死人,難怪領隊尹戈爾咁大口氣,話要帶領曼聯成為世界最強,重奪英超霸權啦!大家要留意尹戈爾同對家主帥、前愛徒朗奴高文不嬲有牙齒印,以尹帥咁要面嘅性格,肯定會諗好計仔砌低徒弟啦! 修咸頓大將 沙迪奧文尼打柴 Data King:修咸頓客戰旺「半細」 ?曼聯近11戰成績為8勝3和。 ?修咸頓今季9次作客有8場開「半場細」。 |