Combo King：布拉加 士砵亭大騷Encore

爭入前3鬥士哥
今日阿King轉吓口味講葡超，直播有場前列大戰布拉加主場鬥士砵亭，兩軍近期前鋒着晒火，而且近年交手亦經常上演入球騷，現時大盤有2.02倍非常值博，可作今日過關重心。

（有線155台周一凌晨3時15分直播）

葡超頭三名可參加來屆歐聯賽事，今場兩支主角士砵亭及布拉加分排4、5位，僅落後第3位嘅甘馬雷斯1及3分，唔想被拋離必以贏到盡為目標。布拉加上周末喺歇冬後首仗作客雖以1比2不敵馬里迪莫，幸好上周中葡盃8強戰能迅速反彈，主場以7比1大炒比蘭倫斯，更難得係呢7個士哥都由唔同球員取得，足證呢班波進攻點甚多。士砵亭歇冬後聯賽連盃賽兩連勝，加埋歇冬前已連贏5場，而且合共攻入13球，攻力亦有保證，以中位數2.5球計，兩軍過去3季聯賽6次交手有5次開大，今場中位數不變，大盤仲有2.02倍非常抵玩。

里昂主場9成開W唔怕追
另外兩關則揀咗法甲賽事，先講里昂主場對圖盧茲，里昂今季10場主場聯賽贏九場，勝率達九成，圖盧茲作客已經兩連敗，今場主W好穩陣，要提醒各位呢場波截止投注時間由原本公布周日晚9時延遲至周一凌晨零時，大家要留意。最後一關係摩納哥主場對波爾多，摩納哥經過半季適應期逐漸上力，連同歇冬後於法聯盃以互射12碼擊敗里昂，對上7場比賽全勝兼冇失波。波爾多有唔少非洲兵離隊備戰非國盃，實力打折扣，今場主W可捧。

（TVB302周一凌晨4時直播）