爭入前3鬥士哥 (有線155台周一凌晨3時15分直播) 葡超頭三名可參加來屆歐聯賽事,今場兩支主角士砵亭及布拉加分排4、5位,僅落後第3位嘅甘馬雷斯1及3分,唔想被拋離必以贏到盡為目標。布拉加上周末喺歇冬後首仗作客雖以1比2不敵馬里迪莫,幸好上周中葡盃8強戰能迅速反彈,主場以7比1大炒比蘭倫斯,更難得係呢7個士哥都由唔同球員取得,足證呢班波進攻點甚多。士砵亭歇冬後聯賽連盃賽兩連勝,加埋歇冬前已連贏5場,而且合共攻入13球,攻力亦有保證,以中位數2.5球計,兩軍過去3季聯賽6次交手有5次開大,今場中位數不變,大盤仲有2.02倍非常抵玩。 里昂主場9成開W唔怕追 (TVB302周一凌晨4時直播) |