雷法爾 ：梳士貝利連場作客搏到殘

盧頓地頭硬淨受讓抵撐
今晚英乙有場獨腳戲，由盧頓主場迎戰梳士貝利。雖然英乙嘅聖誕檔期冇英超咁密，但話晒呢場都係兩隊20日內第5場比賽，連續兩場作客嘅梳士貝利點計都輸蝕。況且盧頓主場戰績唔曳，難得佢哋今次受讓平半，要1.75倍下盤好過。

（TVB301周五凌晨3:45直播）

講近況，兩隊波雖然喺上仗齊齊作客輸波，不過盧頓返到自己地頭就唔同講法。

9戰8勝1和不敗
呢支英乙球隊主場威力十足，近9次主場出擊取得8勝1和不敗佳績，而且佢哋今季聯賽主場只係失咗5球，防守咁勁揪相信至少可以保住不敗執半格！咪以為盧頓剩係識恰弱隊，前列球隊修安聯、紐波特郡嚟到都至少輸兩粒，證明佢哋唔會欺善怕惡囉！

相反梳士貝利雖然貴為聯賽「三哥」，不過佢哋作客成日出事。今季聯賽12次客途出戰只係錄得3場勝仗咁大把，呢鋪仲要學人讓波邊要得過？要留意佢哋件前鋒格蘭同守將柏斯利因為借用期滿，已經各自返回所屬球會，對兵源調動難免有影響，讓波咪掂！