笛子波童 ：巴塞Encore再炒艾爾切

雖然巴塞受內亂傳聞困擾，不過今晚於西班牙盃16強首回合迎戰心繫護級嘅艾爾切仍游刃有餘，讓球主客和巴塞讓二球，照捧讓球主勝。

（now 632及TVB 13周五清晨5時直播）

睇番巴塞上圈兩回合對丙組侯爾斯卡嘅正選陣容，唔排除安歷基會繼上場聯賽對皇家蘇斯達後再次收起美斯、尼馬兩大主力，不過既然球隊啱啱喺聯賽輸波，而且上圈次回合喺領先四球情況下、次回合返主場依然冇留手大勝對手八比一，證明呢班波喺魯營主場出擊仍然係信心保證。艾爾切上場聯賽喺落後兩球劣勢下逼和維拉利爾，表現值得一讚，不過佢哋依家聯賽排包尾，盃賽未必太上心，如果今場先輸一、兩粒，好難好似上場咁有決心追得番。艾爾切對上兩季聯賽作客魯營合共吞七隻光蛋，巴塞讓二球嘅讓球主勝依然值得捧場。