巴塞多多讓得起
有時唔到你唔信邪，聖日門上場歐冠八強首回合埋尾追和巴塞，呢球波相當重要，隨時成為出線關鍵入球，唔通入球的馬杜迪係巴塞的“天煞孤星”？巴塞就咁玩完？講吓好啦，當今世上又有邊隊波可以在魯營球場打低“地上最強”！如無意外，巴塞坐硬四強一席位。有兩個作客入球在手，巴塞唔輸都可以晉級，但冇可能就住打，爭取入球贏波最實際，睇贏多少球。
聖日門無得選擇，今仗作客非勝不可，必定同巴塞埋身肉搏，鬥攻鬥搶，前線有足夠火力炮轟對方陣地，不過，防線要抵擋巴塞強攻，恐怕是有心無力。初盤巴塞羅那硬讓球半，推介巴塞可以大勝。
巴塞大勝馬洛卡五球，美斯缺陣但攻力依然深厚，收起沙維、恩尼斯達、艾巴及門將華迪斯等主力，擺明今晚“去馬”；上圈主場大炒AC米蘭四蛋，證明巴塞要“出招”，誰人能擋。攻又死，唔攻又死，聖日門只有誓死一拼，安察洛堤唯一破敵之計，就係反客為主，一於有前冇後，輸死罷就。
推介：巴塞羅那勝3:1