聖誕節玩咗兩日,今日不如留喺屋企睇波叉吓電啦!今日晏晝有兩場澳職直播,科娜就推介墨爾本勝利主場對紐卡素噴射機一戰,勝利剛喺「墨爾本打吡」不敵墨爾本城,輸得好唔抵,今場返到主場對住作客唔掂嘅噴射機,仲唔搵佢哋嚟祭旗發洩?2倍嘅讓球主勝值得捧場! (有線64及203台周六下午4時30分直播) 做緊澳職「三哥」嘅墨爾本勝利上場終於輸波,不敗金身仲要係畀同市死敵墨爾本城打破,畀對手臨完場絕殺得手,完全冇仇報,你話呢啖氣點吞得落吖?紐卡素噴射機今場作客遇着勝利,認真唔好彩,勝利今季6次主場出戰,贏咗5次,近4場作客輸足3場兼有後衞查利安斯坐波監嘅噴射機今場都係凶多吉少,捧讓球主勝啱數! 水手獅吼繼續獻「細」 (有線64及203台周六下午2時直播) |