樂比堅尼：廠仔開P拆禮物

連續幾日休戰，相信唔少球迷已經開始餓波，但聖誕檔期少波踢，快車期間變數又多，呢段期間宜採取較保守策略，減少注碼，保持對市場嘅觸覺就OK，畢竟同家人朋友歡度佳節，先至係人生最愉快嘅事嘛！今日拆禮物日，樂比推介阿仙奴，撐「廠仔」喺倫敦打吡砌低QPR。

（now621台周六凌晨1:30直播）

阿仙奴係英超拆禮物日成績第二好嘅球隊，平均取得2.13分（第一係曼聯嘅2.65分），不過呢個唔算得係大成就，樂比之所以睇好「廠仔」嘅原因，係因為佢哋目前只係排聯賽第6，極需要搶分爭入前4，投注者大可抱「追落後」嘅心態入市。

阿仙奴搶分後勁靠得住
當然，唔係名牌球隊落後就一定係有料到嘅，但阿仙奴嘅後勁實在相當得人驚，02/03球季，佢哋曾經喺第15輪排第10，追到埋單拎第4名，11/12球季，亦曾經喺第22輪排第7追到第3過終點，所以大家對「兵工廠」嘅後上能力，應該有一定信心。

樂比撐阿仙奴嘅另一個原因，係王牌射手基奧特復出，「兵工廠」入球能力即時升呢，呢位法國國腳近兩場正選上陣入3球，狀態弗爆，考慮到昆士柏流浪係英超失波最多嘅球隊，樂比認為阿仙奴今場唔止入一粒，可兼投1.63倍「讓球主勝」及1.43倍入球大。值得留意係阿仙奴今晚踢尾輪，大家可以專心應付一場波，有乜依郁可以靠即場投注「補鑊」。

熱刺飄忽讓唔起李城
另一場心水係捧包尾嘅李斯特城。樂比除咗相信「狐狸」護級嘅決心，亦考慮到熱刺今季表現勁飄忽，即使近期3連勝仍不宜高估，始終熱刺今季聯賽4場作客勝仗，全部都係喺89分鐘後射入致勝球，贏得勁牙烟，唔係次次咁好彩，李斯特城主場受讓，不妨撐受讓平半嘅2.09倍下盤。

（now624台周五晚11:00直播）

盤路解碼
阿仙奴踢「倫敦打吡」勁醒神，近11戰8勝3和未輸過。

樂比推介
阿仙奴（讓球主勝、入球大）李斯特城（下盤）

Data King：「廠仔」旺開角球大
?阿仙奴過往17次喺「拆禮物日」出戰英超，取得11勝5和1負。

?昆士柏流浪喺英超史上6次作客阿仙奴，5場入唔到波。

?阿仙奴近8場英超開出7場「角球大」。