Mic少：巴塞出二線兵翻炒丙組仔

皇馬飛去摩洛哥踢世冠盃，巴塞隆拿留喺國內出戰西班牙盃第4圈次回合，主場對丙組仔侯爾斯卡。巴塞首回合贏4比0，晉級十拿九穩，「地上最強」即使派後備上陣，實力仍然遠超侯爾斯卡。事實上，巴塞二線兵更加要把握機會證明身價博上位，巴塞「-3」一樣未驚過。

（now 632周三清晨5時直播）

巴塞剛於聯賽痛失兩分，好大程度上因為落大雨，影響地面推進踢法，加上上周中歐聯同聖日耳門激戰完，主力難免有疲態，尼馬亦因傷缺陣。不過今場情況唔同，一來實力高對手幾班，二來教練安歷基應會畀主力休息，改派副選上陣，例如蒙尼亞艾哈達迪、辛度拉美利斯等小將可望擔正。

小將爭上位搏盡
呢班小將能夠成為巴塞一員，絕非泛泛之輩，蒙尼亞艾哈達迪更加入選過西班牙大國腳，佢哋為咗成為另一位美斯，只要有機會上陣，一定搏命。事實上，巴塞首回合作客亦係以副選出擊，一樣取得大勝，更何況今仗有地利，讓球主客和讓三球濕濕碎啦！