巴塞贏祖雲和

巴塞贏祖雲和

歐冠盃八強首回合今晚開火，法甲新貴巴黎聖日門挑戰“地上最強”的巴塞羅那，要更上一層樓入四強，確有相當高難度。另一大戰拜仁慕尼黑火倂祖雲達斯，兩支“踏實派”對碰，必鬥得難分難解。

先講“兩巴之戰”聖日門對巴塞，聖日門今季招兵買馬，實力大大提升，在法甲已見其效，歐冠過關斬將殺到入八強，都算功德圓滿。因為由分組賽至十六強，所遇對手考驗唔大，較強只有波爾圖與華倫西亞，四場比賽都踢得較艱苦，對住更高層次的巴塞，聖日門呢關真係唔易過。巴塞上場聯賽對切爾達只係半力出擊，全力集中今晚一戰，經過作客AC米蘭失敗之作後，今仗必定嚴陣以待。初盤巴塞羅那讓半球／一球，捧巴塞必勝無疑。

拜仁對祖記屬實力之戰，拜仁主場確實惡到不得了，踢歐戰更加經驗十足，較為睇高些少係無可厚非，不過祖記穩紮穩打作風相當實際，肯定有備而來，拜仁難言穩勝。初盤拜仁讓半球／一球，不妨博祖雲達斯力保不敗。

推介:巴塞羅那勝2:1

拜仁慕尼黑和1:1