卡爾萬 ：拿玻里劏魚腩「-2」照撐

今晚歐霸盃分組賽煞科戰，暫列I組榜首嘅意甲球隊拿玻里雖然鎖定出線資格，今輪主場迎戰斯洛伐克嘅施洛雲，形勢上唔使點搏命，但佢哋緊接要喺意甲造訪AC米蘭，為咗打破近期連場不勝走勢，重振士氣，今場勢必盡炒冇留手，讓兩球照捧1.88倍「讓主」。

（開賽時間：周五凌晨4:05）

施洛雲小組全敗失17球
連同歐霸盃及聯賽在內，拿玻里近9場4勝5和保持不敗，戰績睇落唔錯，但近期班波硬係贏唔出，就算杜雲沙柏達同約拿芬迪根斯文近4場聯手貢獻4球，最終都要和波收場。之不過拿玻里嚟緊意甲就要作客勁旅AC米蘭，相信近期演出麻麻嘅箭頭希古恩，會趁住今場重拾射門鞋之餘，主帥賓尼迪斯亦會落柯打盡數，好讓球員重振信心迎接呢場大戰。

對家施洛雲分組賽全部輸晒不特止，更係今屆失波最多嘅隊伍，5場加埋勁失17球，防線衰過豆腐渣工程，之前造訪年青人同布拉格斯巴達都分別淨輸0:5同0:4，根本就係任人魚肉，今場遇着求勝心切嘅拿玻里，想輸少粒都難。

歐霸C組