尹佩斯朗尼專恰修咸頓
「英超星期一」值得大家捱眼瞓，今晚修咸頓喺主場對曼聯，玩1.9倍入球大最啱數。雖然修咸頓連續3場失分，但領隊朗奴高文講明唔擔心傷兵問題，加上曼聯嘅朗尼同尹佩斯以往對住修咸頓特別醒神，今晚紅魔打「聖人」實有「大」場面！ （now621台周二凌晨4:00直播） 修咸頓上周作客0:1輸咗畀阿仙奴，前鋒杜辛泰迪治同中場積克確克分別傷出，搞到傷兵問題更加嚴重。不過「聖人」領隊朗尼高文似乎未驚過，懶得戚咁話曼聯嘅傷兵比佢哋更多，明顯冇打算改變着重進攻嘅打法，今場地頭出戰，相信唔會冇波入咁令球迷失望，特別係話自己靚仔過C朗嘅前鋒加斯安奴柏利，更加係時候要入波「騷哥利」！ 朗奴高文唔怕傷兵多
客軍曼聯上星期喺主場以2:1砌低史篤城，連贏4場嚟一次大反彈，雖然佢哋「天使之翼」迪馬利亞趕唔切康復今場未踢得，好在隊長朗尼休息1場後，據講會打番正選，要知道佢近5次正選上陣對修咸頓勁入5球，而且尹佩斯對住「聖人」一樣有料到，對上6次聯賽鬥佢哋合共省入5粒，有呢兩位射手領銜上演一幕「紅魔面聖」，唔憂冇士哥啦！ 魔兵聖誕P玩到心散 雙翼客串踢閘牙煙
當然紅魔識得贏番波，唔代表佢哋一定可以保持清白，事關始終受傷兵問題困擾，近排要搵雙翼路爾斯華倫西亞同艾舒利楊格踢閘，攻擊力有餘而守力不足始終好牙煙。睇番佢哋上場畀史篤城攻破大門，就係最佳例子，何況曼聯球星喺上星期帶埋WAG開聖誕P，個個都玩到癲晒，作戰心情可能會較「聖人」鬆懈，到時失咗波焗攻，個1.9倍入球大仲唔十拿九穩？ 盤路解碼
曼聯近4場足智彩「讓球」得1次贏盤。 Data King：修咸頓近戰頻開角球大
?修咸頓連續5場開半場入球細。 ?修咸頓近5場4次開角球大。 ?曼聯近6次作客修咸頓有5勝1和。 ?曼聯今季派過31個球員踢聯賽，為今季英超最多。 | 
