ComboKing：魯賓卡山硬淨受讓尼料

周中快車連俄超都有份，阿King就揀幾場玩吓！直播場次有魯賓卡山主場對「一哥」辛尼特，辛尼特近期作客表現平平，而且前鋒基沙哥夫上陣成疑，反觀魯賓卡山今季主場夠硬淨，近八主場錄得三勝五和，受讓極之抵玩。

（now 671周三晚10時45分直播）

魯賓卡山及辛尼特都算近年俄羅斯冒起得較快嘅球隊，現時辛尼特排榜首，魯賓卡山排第九，不過呢場喺阿King心目中係五五波。辛尼特要分心歐聯分組賽，近期喺聯賽明顯腳步放軟，前鋒線多線作戰亦有疲態，近六仗只入得五球，上仗作客摩度維亞冇士哥，其餘五場各入得一粒。相反，魯賓卡山勝在穩陣，尤其主場更叻仔，近八仗主場未輸過，而佢哋對住辛尼特往績亦唔失禮，近六對賽獲四勝一和一負，今次仲有得受讓，真係抵玩到爆。

撐火車頭撞散烏拉爾
另外，傳統名牌莫斯科火車頭則於主場對烏拉爾，後者近六作客錄得二勝四負，兩次贏波都只係對住中下游球隊，未能作準，今次面對近五主場贏四仗嘅火車頭，輸少當贏。至於另一場直播賽事古賓對卡斯洛達，兩軍攻力都不俗，睇波梗係想多波入，呢場一於揀大。

（now 671周四凌晨1時直播）