格爾芬：紅軍反彈乘勇捉「狐狸」

利物浦上場千辛萬苦先贏到史篤城，周中「英超快車」作客對住李斯特城，梗係希望乘勢再下一「城」啦！雖然「紅軍」今戰有前鋒巴洛迪利續抖，問題係「狐狸」9月尾之後就未贏過波，表現曳成咁，直取1.88倍客W都唔過分。

（now622台周三凌晨3:45直播）

李斯特城頹爆聯賽包艇
利記今季表現走晒樣，「神奇隊長」謝拉特仲成為箭靶，唔少球迷都叫領隊羅渣士棄用呢位「紅軍」靈魂人物。羅帥都知道再係咁固執唔去變陣，隨時連份工都冇埋，所以上場對史篤城就大膽求變，收起謝拉特用盧卡斯，果然，成隊波即時生猛晒。雖然巴洛迪利今戰仲未可以復出，但係用列基林拔都唔錯呀，利物浦有埋高空攻勢，進攻瓣數仲多啦！

睇番佢哋今戰對手李斯特城，自從9月爆大冷擊敗曼聯之後，英超8戰得2和6負，搞到依家喺聯賽包艇，對住決心重上正軌嘅利記，呢3分睇怕都凍過水。