拉素要“納”威

拉素要“納”威

今日冇乜好波好關注，只得一場意甲可以孭飛，由維羅納對拉素。兩隊都係意甲嘅中流砥柱，實力比上不足比下有餘，間中亦可擾亂大局。尤其是拉素，屬於列強中嘅攔路虎，證明整體戰力比起維羅納較為平均，所以初盤開出拉素作客要讓維羅納平手／半球屬正路。講近期狀態，拉素取得四連勝，維羅納就兩連敗，以波論波，拉素確值得捧場。

維羅納係一支欺善怕惡嘅球隊，對強隊都沒有好結果，對上兩場分別輸畀AC米蘭與拿坡里。輸波唔緊要，最慘兩場波共失九球，反映防線脆弱不堪。由馬基斯、阿哥斯天尼及馬昆斯組成嘅老人防線已時不與我；前線仲要靠卅七歲嘅盧卡東尼衝鋒陷陣，大半隊正選都超過三十歲以上。維羅納輸體能與活力係最大因素。

相反，拉素幾位年青球員正處於當起當弗，廿三歲塞爾維亞國腳佐積域近四戰入五球，成為球隊首席攻擊手，仲有荷蘭嘅迪華積、巴西嘅安達臣等，足以攻破維羅納嘅“高危”防線。

推介：拉素2:1