倫敦打吡“熱”爆“廠”
英超周日的重頭戲是北倫敦“打吡大戰”，熱刺火拼阿仙奴，今仗對爭奪前四極為關鍵。熱刺首循環作客大敗二比五，並非實力差距問題，最大原因係開波十八分鍾艾迪拜約被罰離場，令球隊由贏變輸。今晚返到主場，除要保住前三位置外，誓要報回一敗之仇，連續十一場聯賽不敗，熱刺士氣相當不俗，有望坐和望贏。
阿仙奴近五場聯賽同樣有四勝一和佳績，只可惜表現較為反覆，足總盃被英冠布力般流浪踢出局，歐冠盃首回合慘敗拜仁腳下，上仗只係一球險勝護級的維拉，今晚作客實在難有保證。初盤熱刺讓平手／半球，推介熱刺破“兵”成功。
熱刺近期狀態甚佳，尤其熱爆紅人G巴利，六場比賽攻入八球，不乏世界波，腳風超順，艾迪拜約、丹普西及艾朗連儂都係威脅力十足，計前線入球能力，已有足夠贏波本錢。阿仙奴後防將會受到極大考驗，兩邊閘位沙格拿、基比斯及防守中場戴亞比都因傷缺陣，向來不穩的防線更加雪上加霜，對住大打進攻足球的熱刺，兵工廠危危乎。
推介：熱刺勝2：1