聖日門食硬朗斯

聖日門食硬朗斯

歐國盃外圍賽又踢完一輪後，歐洲各大聯賽開始恢復正常，不過今晚戲碼唔多，唯有介紹場法甲畀大家，朗斯對巴黎聖日門。話晒聖日門都屬於歐洲頂級勁旅之一，兼且陣中球星如雲，始終有一定“粉絲”。

朗斯今季重返法甲，可惜球會並未大肆擴軍，只係原班人馬再戰江湖，基於人腳實力問題，所以九場聯賽過後，只得兩勝兩和五負排尾三，今季最大目標都係以護級為主。朗斯上季奪得法乙亞軍，整季表現總算不過不失，但甲組波始終高一個層次，今季肯定要艱苦作戰。球隊靠三位升班功臣支撐大局，曾效力聖日門嘅簡泰尼、前塞內加爾國腳尼戴亞耶及陣中首席射手杜治夏亞，平均戰力要在甲組立足並不容易，何況今戰仲要挑戰豪門“大巴黎”，睇怕難以發圍。

聖日門開季九場聯賽和足六場，只得三場勝仗都算失威，目前距離榜首馬賽有七分之多，要再度衛冕，絕對不能再在下游球隊身上失分，呢三分志在必得。初盤聖日門讓球半，捧聖日門可收“斯”。

推介：巴黎聖日門2:0