英超:雙城對撼吼半場和
玩球网 2021-09-11 09:19:21
| C朗喺奧脫福復出嘅同時，另邊廂上演復仇戰，另一支曼徹斯特球隊曼城作客李斯特城。曼城喺社區盾不敵「狐狸」，今場當然希望復仇，不過李城肯定有備而來，即使「藍月亮」強勢來襲，一樣頂得住，半場和值追。（Now622周六晚10時直播）斡旋失敗「森巴兵」停賽上季英足盃冠軍李城同上季英超盟主曼城，今季聯賽同樣2勝1負，雖然曼城中場奇雲迪布尼今場有機會復出，不過李城一向無懼「藍月亮」，上季就試過作客大勝5比2，球隊進攻鐵三角占美華迪、占士麥迪臣及哈維班尼斯，會為「藍月亮」後防帶來一定衝擊，曼城因為英超賽會同國際足協最後斡旋失敗，「巴西禁賽令」下加比爾捷西斯同艾達臣摩拉斯今場冇得出場，領隊哥迪奧拿相信亦唔敢太過急進。曼城喺國際賽前大勝諾域治及阿仙奴5比0，李城主帥羅渣士肯定會加強防務，減少開賽初段失波，「狐狸」後防有卡斯柏舒米高、蘇恩古等經驗戰將，可令曼城攻力減至最低，既然雙方近7次交手6次半場和，半場和玩得過。 |