日聯:勝利船客Ｗ抵玩
玩球网 2021-07-17 14:58:55
| 櫻花老將踢到殘周六日本職業聯賽，大阪櫻花主場迎戰神戶勝利船。櫻花剛踢畢亞冠盃分組賽，上仗悶和港超球隊傑志保住首名出線，表現唔算突出；勝利船聯賽連盃賽5連勝走勢凌厲，今仗有力反客為主，客勝值得支持。（周六晚6時開賽）櫻花喺亞冠盃J組大熱出線，但係過程中曾驚險反勝傑志，以及逼和ＦＣ泰港，最後一輪亦只能悶和傑志，未能發揮應有水準，而且亞冠盃賽程緊密，球員體力消耗大，戰至最後階段疲態畢露，幾名老將如大久保嘉人、奧野博亮及清武弘嗣都顯得力不從心，今仗回師聯賽，能否踢出應有表現實在難講。勝利船日聯盃出局之後大爆發，分別喺日皇盃及日職5仗全勝，共入15球，前鋒古橋亨梧腳風大順，包括聯賽5比0大勝ＦＣ橫濱一仗連中三元，目前累積攻入14球，高踞日職射手榜首位，勝利船挾5連勝強勢作客疲兵櫻花，將會係呢位高速射手數胡良機，客勝值捧。飛腳前鋒「中招」兩仗隨時取消另外，據日本傳媒報道，大阪飛腳及川崎前鋒踢畢亞冠盃回國後，兩隊都有人確診新冠肺炎，今午兩隊嘅日職賽事能否舉行，有待公布。飛腳同前鋒回國後都要接受隔離，其後喺例行檢測中，飛腳兩名球員及兩名職員，以及前鋒兩名職員同告「中招」；為安全計，兩隊都會再做檢測，過關才可比賽。 |