日聯:主力缺陣踢法歎慢板三箭謀定後動追半和
玩球网 2021-07-11 09:08:36
| 主力缺陣踢法歎慢板三箭謀定後動追半和2021/07/11文:邪神今日日職賽事，廣島三箭主場迎戰FC橫濱。位處中游嘅三箭近期走勢唔曳，近5場聯賽錄得2勝3和不敗佳績；橫濱踢日職未夠班，長期居於榜末兼近9仗未嘗一勝，估計三箭今仗可主導賽事。睇番佢哋風格謀定後動，近8場聯賽全開半場和，半場和好分頭值得再追。（周日下午5時開賽）三箭現居日職中游，球隊實力比上不足、比下有餘，上輪聯賽憑祖利亞山度士建功，1比1賽和防守力強嘅鳥棲砂岩，延續近期不敗走勢。不過球隊首席射手淺野雄也該仗傷出，另一中場艾斯基爾山度士亦告受傷，加上門將大迫敬介獲徵召踢奧運，喺多名主力缺陣下，三箭今仗難免要變陣出擊。FC橫濱長居榜尾未見放棄FC橫濱今季成績令人失望，開季至今贏得1場，積分仲係個位數嘅8分，今季4隊降班賽制下，睇怕難以逃出生天。佢哋上仗憑老將渡邊千真射入今季開齋波，以1比1踢和心跳搶得1分，另一經典球星中村俊輔亦後備上陣，球隊上下並未放棄，將全力搶分。三箭實力雖在橫濱之上，但傷兵眾多下球員要適應新陣式，預計初段難佔甜頭，加上三箭慣性歎慢板，近8仗聯賽全開半場和，今仗再追啱數。 |