樸茅主勝與眾同「諾」

樸茅主勝與眾同「諾」
 
曾經喺英超叱吒風雲嘅樸茨茅夫，今晚會喺英錦標第2圈主場對住同級對手諾咸頓。咪睇樸茅近3場波都贏唔到和晒，實情接連作客哈特普爾同約克城其實唔易踢，今晚返主場出擊分分鐘就唔同講法；再講，對手諾咸頓表面上排名較高，但近期試過主場4:5輸俾阿克寧頓，表現唔係咁穩定，加上往績上佢哋近6次對樸茨茅夫冇贏過當中輸咗4場，踢法被食住睇怕都開硬主勝。（周二13，香港時間周三2:45am開賽）

普雷斯頓讓主值捧

同時間有場甲組內訌由普雷斯頓對維爾港。普雷斯頓排名遠喺客軍之上，球隊近期亦3連勝，對手包括高雲地利而加埋入8球僅失兩球，配合主場之利隨時又大勝一場；至於維爾港啱啱輸埋俾費列活特，依家應以護級為目標，未必有心偷雞。（周二14，香港時間周三2:45am開賽）
最後推介斯肯索普鬥諾士郡。斯肯索普甲組排23位，近6場聯賽更輸足5場，相信又係會全力爭護級算數；諾士郡近7場波不敗更連贏咗克魯同基寧咸，當中更冇失過波，攻守都夠銳客勝放心捧場。（周二15，香港時間周三2:45am開賽）