哈化半大「加」注捧場

哈化半大「加」注捧場
 
德甲周五場戲碼由哈化柏林對史特加；哈化柏林今季開咧後雖然只嘗1勝，但細心留意佢哋季初對手都甚有實力，呢一戰對史特加肯定係搶分良機；而史特加已經兩戰不敗，而且對手分別為漢諾威及多蒙特表現值得一讚，呢場雙方都有全取3分嘅決心，睇怕入球源源不絕，入球大都太保守，捧半場大。（周五25，香港時間周六2:30am開賽）

哈化柏林季內只贏過禾夫斯堡，表面上正處於低潮，但事實上佢哋今季所輸3場賽事，分別不敵利華、緬恩斯以及奧格斯堡，以上球隊唔係聯賽前列份子，就係主場特佳球隊，老實講哈化輸晒相當正常，而除咗呢三場之外，哈化柏林表現唔差，尤其主場擊敗有力爭前4嘅禾夫斯堡，已知道呢班波實力肯定有番咁上下。
史特加對上兩戰都打出超水準，分別迫和多蒙特以及擊敗漢諾威，先唔好計實力問題，現階段佢哋士氣一定高昂，而且季初入唔到波嘅問題似乎已經解決下，呢場眼見同級對手一定反守為攻，睇嚟半場已有兩個入球出現實在非常容易。

格雷特霍夫讓主值捧

至於德乙方面，格雷特霍夫本被認為係升班份子，但近期一輪差劣戰績下，現已跌到第9位置，但要留意佢哋本季3場主場賽事全勝，今仗對手又只係作客未贏過，季初一度排榜尾嘅奧厄，點計都喺對手之上。（周五2，香港時間周六12:30am開賽）
最後阿倫主場對1860慕尼黑，主隊已7戰不勝，1860慕尼黑最起碼上場擊敗到格雷特霍夫，近8戰只曾1敗，點睇主隊都冇條件讓人。（周五3，香港時間周六12:30am開賽）