史特加夠“柏”力

史特加夠“柏”力

每個禮拜六凌晨例牌都有德甲獨腳戲，今次由哈化柏林與史特加合演搶分戰，兩隊開季同樣祇得一勝兩和三負劣績暫居下游，亟須搶分脫離危險地帶。計雙方人腳實力，屬於半斤八両，勝負確實難料，初盤開出哈化柏林讓平手 / 半球，皆因有主場之利，但史特加近三次作客取得兩場勝仗，今場受讓當然值博。

如果睇返兩隊過去六場的對手，哈化柏林分別輸畀實力夠強嘅利華古遜與緬恩斯外，其餘祇係下游球隊。反而史特加所遇硬仗唔少，輸畀拜仁屬正常，能打和多蒙特與排第二位嘅慕遜加柏，已經算唔簡單。上場更擊敗前六嘅漢諾威，計含金量史特加比較有“料”，況且啱啱打開勝利門，對球隊士氣唔多唔少有一定提升。

哈化柏林目前傷兵滿營，包括鮑祖漢、贊卡及施格斯等主力，戰力有所削弱。而史特加不單可強陣出擊，上場休戰嘅伊比斯域與哈歷克今仗隨時候命，令替補力大增，有力與哈化柏林一決高下。

推介：史特加1：0