禾夫斯堡讓和「里」想
今晚歐霸賽事眾多，易買嘅唔少，不過講五五波夠競爭性嘅，就一定要數呢場禾夫斯堡對里爾；禾堡經過季初熱身期，近戰明顯開始打番出應有水準，近3場取得兩勝之餘，當中一場更大勝利華古遜，而且由於首戰不敵愛華頓，呢場肯定打醒十二分精神；至於里爾都唔係易應付，佢哋喺法甲現列第三，雖然入球能力一般，但打防守反擊往往令好多強隊頭痛，如無意外，今戰都會由禾堡主攻而里爾死守，最終主隊僅勝一球機會高。（周四7，有線18台周五1:00am直播）
至於同時間都有幾場冇直播嘅波反而最好買，當中上屆盟主西維爾雖然啱啱大敗予馬體會，但一來對手強，二來佢哋一向重視歐霸盃，所以實際上為呢場留力並唔出奇，而佢哋今晚作客，對手只係克羅地亞嘅列積卡，似乎主隊都好難阻到西維爾贏波。（周四6，香港時間周五1:00am開賽）
最後提供記得一定買埋基輔啦！基輔戴拿模係一支有力喺歐聯打入淘汰賽階段嘅球隊，喺歐霸根本係虎入羊群，唔好諗住對手星隊同佢哋戰績及名氣差無幾，就以為有得打，呢一戰主隊除時大炒，捧「讓主」。（周四11，香港時間周五1:00am開賽） | 
