辛尼特上盤動干「哥」

辛尼特上盤動干「哥」
 
歐聯C組賽事，辛尼特主場夠晒惡，今晚留守地頭迎戰法國球隊摩納哥，真係多多都讓得起，客軍已經星散，不足成為列強大患，足智彩有讓球盤提供，辛尼特半球、一球上盤穩。（周三4，有線61、64、201及203台周四12:00am直播）

B組盧多格德斯主場對皇家馬德里就係一面倒嘅賽事，鑑於主場唔符合歐洲足協規格，盧多格德斯要搬去索菲亞上演呢場歐聯，而球隊上輪臨尾香輸俾利物浦已見冇運行，是役即使受讓兩球都捧唔過，要銀河艦隊2.03倍「讓客」咪「多」疑。（周三8，香港時間周四2:45am開賽）
皇馬逐漸重拾皇者霸氣，近4場比賽全勝之餘，當中更包括歐聯5:1輕取巴素利，喺西甲以同一比數贏艾爾切，另外以8:2怒宰拉科魯尼亞，上周西甲2:0擊敗維拉利爾已經屬於小勝，幾位星級球員好似C朗、加里夫巴利同埋占士洛迪古斯都着晒火，所以作客讓兩球一樣冇難度。